वैयक्तिक कर्ज व्याज परतावा योजना-अमृत व्याज परतावा योजना ब्राम्हण समाजसाठी तसेच इतर

योजनेचा उद्देश

खुल्या प्रवर्गातील आर्थिकदृष्ट्या दुर्बल घटकांतील युवक-युवतींना स्वतःचा व्यवसाय किंवा उद्योग सुरु करण्यासाठी प्रोत्साहन देणे. ज्या समाजघटकांना इतर कोणत्याही शासकीय संस्था/महामंडळाच्या योजना उपलब्ध नाहीत, त्यांना या योजनेतून मदत मिळते.

कोण अर्ज करू शकतो?

1. अमृत संस्थेच्या लाभार्थी निकषांत बसणारे उमेदवार.

2. ज्यांच्याकडे आवश्यक व्यवसाय परवाने, उद्यम आधार प्रमाणपत्र आहे.

3. ज्यांनी व्यवसाय/उद्योगाचे प्रशिक्षण घेतले आहे (प्रशिक्षण प्रमाणपत्र असल्यास जोडणे आवश्यक).

4. अर्जदाराचे PAN व आधार कार्ड -लिंक आसने गरजेचे तसेच  बँक खाते असणे आवश्यक.

5. अर्जदार कोणत्याही बँक किंवा वित्तीय संस्थेचा थकबाकीदार नसावा.दवारांना प्राधान्य.

महत्त्वाच्या अटी व शर्ती

1 कर्ज राष्ट्रीयकृत, सहकारी, जिल्हा मध्यवर्ती, खाजगी किंवा इतर आरबीआय मान्यताप्राप्त बँकेकडून घ्यावे.

2 अर्जदारास या व्याज परतावा योजनेतून किंवा परशुराम गट व्याज परतावा योजनेतून – फक्त एका योजनेचा लाभ घेता येईल.

3 कर्जाचे हप्ते वेळेवर व नियमित भरले गेले पाहिजेत. विलंब झाल्यास व्याज परतावा दिला जाणार नाही.

4 स्वयंरोजगार व कृषीआधारित उद्योग प्रशिक्षण घेतलेल्या उमेदवारांना प्राधान्य.

अर्ज करण्याची प्रक्रिया

1 अमृत संस्थेच्या अधिकृत संकेतस्थळावर www.mahaamrut.org.in जाऊन ऑनलाईन अर्ज भरावा.

2 आवश्यक कागदपत्रे अपलोड करावी.

3 अर्जाची प्रिंट काढून स्वाक्षरी करून, आवश्यक दस्तऐवजांच्या स्व-प्रमाणित प्रतींसह अमृत कार्यालयात सादर करणे बंधनकारक आहे.

योजनेतील लाभ

1 बँकेकडून घेतलेल्या कर्जावरील फक्त व्याजाची रक्कम अमृत संस्था परत करते.

2 परतावा देताना बँकेचा व्याजदर किंवा योजनेंतर्गत निश्चित केलेली उच्चतम मर्यादा (१२% पर्यंत) यापैकी जे कमी असेल त्यानुसार व्याज दिले जाते.

3 बँकेने आकारलेले इतर शुल्क/चार्जेस या योजनेत समाविष्ट होत नाहीत.

🎯 योजनेचा लक्षगट

महाराष्ट्रातील खुल्या प्रवर्गातील ज्या जातींना कुठल्याही स्वतंत्र शासकीय विभाग / संस्था / महामंडळामार्फत योजनांचा लाभ मिळत नाही अशा आर्थिकदृष्ट्या दुर्बल घटकांतील युवक-युवती व इच्छुक उमेदवार.
लक्षित गटातील जाती पुढीलप्रमाणे आहेत –

ब्राह्मण,बनिया,राजपुरोहित,कम्मा,कायस्थ,ऐयांगर,नायर,नायडू,पाटीदार,बंगाली,पटेल,येलमार,मारवाडी,ठाकूर,त्यागी,सेनगुनथर,गुजराथी,जाट,सिंधी,कानबी,राजपूत,कोमटी (आर्य वैश्य)

✅ लाभार्थी निवड निकष

1 उमेदवार अमृत लक्षित गटातील जातीचा असावा, महाराष्ट्र राज्याचा अधिवासी (Domicile) असावा, उत्पन्न मर्यादा ८ लाखांपेक्षा कमी असणे आवश्यक.

2 वयोमर्यादा : किमान १८ वर्ष.

3 शैक्षणिक पात्रता : १० लाखांपर्यंतच्या उद्योग व्यवसायासाठी किमान ८ वी पास.

📝 लाभासाठी अर्ज करण्याची पद्धत

लाभार्थी यांनी अमृत संस्थेच्या संकेतस्थळावर नोंदणी करून “अमृत लघुउद्योजक स्वयंरोजगार प्रोत्साहन व प्रशिक्षण योजना” या योजनेसाठी ऑनलाईन अर्ज करावा.

अर्जासोबत खालील कागदपत्रे आवश्यक आहेत –

महाराष्ट्र राज्याचा अधिवास असल्याचे प्रमाणपत्र (Domicile Certificate – तहसीलदारांद्वारे दिलेले)

उत्पन्न प्रमाणपत्र (८ लाखांपेक्षा कमी, चालू आर्थिक वर्षातील – तहसीलदार)

जातीचा दाखला (लक्षित गटातील जातीचा असल्याचा पुरावा)

शैक्षणिक पात्रतेचा दाखला (किमान ८ वी उत्तीर्ण)

ओळखपत्र (आधार कार्ड / पॅन कार्ड)

पासपोर्ट साईज फोटो

📌 सूचना : वरील माहिती ही फक्त मार्गदर्शनाकरिता आहे. अधिकृत अटी, शर्ती व ताज्या अपडेट्ससाठी कृपया अमृत संस्थेची वेबसाईट आणि आपण ज्या बँक मधून कर्ज घेणार आहे  त्याबँकेची वेबसाईट पहा.